Узяць 2 кг баранавага кумпяка, вымачыць 5-6 гадзін у 2 л марынада

(1 шклянка воцату і 1 шклянка віна, 1/2 шклянкі расліннага алею,

1/2 шклянкі соку агрэста з карэннямі і спецыямі, зялёнай салерай,

цыбуляй-парэем, пятрушкай, 1 галоўкай цыбулі, 2- 3 зубцамі часныку).

Затым нацерці соллю, пячы на блясе,

паліваючы баранавым тлушчам, маслам і падліўкай кожныя 10 хвілін.

Абсыпаць сухарамі і тушыць у печы яшчэ 10 хвілін.

Падліўку зліць, працадзіць, мяса разрэзаць і паліць падліўкай.

Зварыць асобна крутую грачаную кашу

(гл. раздзел "Кашы"), гарніраваць ёю бараніну.

Цыбуля-шалот смажыцца разам з баранінай (маленькія паўтлустыя

абрэзкі мяса) і падаецца асобна ў соусніку або з верашчакай.