-1 1/2 шклянкі грачаных круп,

-1 шклянка пшанічнай мукі,

-2 шклянкі малака,

-2 яйкі,

-1/2 шклянкі слівак,

-1 ст. лыжка дрожжаў,

-1 г. лыжка солі,

-2 г. лыжкі цукру,

-2 ст. лыжкі сметанкавага масла,

-2-3 ст. лыжкі сланечнікавага алею для смажання.

Грачаныя крупы перабраць, пасушыць 5-10 хвілін на блясе ў

смажыльнай шафе і вельмі дробна размалоць у муку, скарыстаўшыся

кавамолкай. У рондаль усыпаць грачаную муку, уліць цёплае малако,

папярэдне развядучы ў ім дрожжы. Усё добра размяшаць і паставіць у

цёплае месца для закісання на 2-3 гадзіны. Калі цеста павялічыцца ў

аб'ёме ў 2-3 разы, размяшаць яго, усыпаць пшанічную муку і добра

змяшаць. Цеста зноў паставіць у цёплае месца. Пасля таго, як цеста

зноў падыдзе, дадаць у яго яечныя жаўткі, расцёртыя з растопленым

сметанкавым маслам, цукрам, соллю. Усё добра змяшаць. Узбіць

асобна сліўкі і яечныя бялкі. Дадаць іх у цеста і, асцярожна змяшаўшы,

зноў паставіць у цёплае месца на 15-20 хвілін. Пасля таго як цеста

зноў падыдзе, можна пачынаць выпякаць бліны. Пры гэтым зачэрпваць

цеста з рондаля трэба вельмі асцярожна, каб не даць яму апасці. Ад

гэтага залежаць пухласць, рассыпістасць бліноў. Бліны пякуць на

маленькіх патэльнях (дыяметрам 15-18 см). Перад тым як выліць цеста

на распаленую патэльню, яе змазваюць раслінным алеем. У якасці

квача можна выкарыстаць кавалак ваты, абгорнуты марляй. Калі блін

падсмажыцца, счырванее з аднаго боку (з ніжняга), а з другога увесь

пакрыецца дзірачкамі, яго варта перавярнуць лапаткай. Гатовыя бліны

ўкладваюць адзін на другі, змазваючы сметанкавым маслам, і ставяць

у цёплае месца, каб яны не астылі. Падаюць бліны гарачымі са

смятанай, маслам, мёдам, розным варэннем, а таксама з ікрой, кетай,

сёмгай, асетрынай, селядцом, маслінамі і інш.