-малако казінае - 4 л

-малочнакіслыя культуры мезафільныя - 1/4 г. лыжкі

-закваска сычужная вадкая - 1 кропля

-соль для кансервавання ці буйназярністая

на 1 кг

Стэрылізуйце ўсе кухонныя прыборы і посуд, якімі будзеце карыстацца (лыжкі, рондалі, мерныя ёмістасці і г. д.). Працоўныя паверхні, на якія будзеце класці кухоннае прыладдзе, старанна прамыйце гарачай мыльнай, затым чыстай вадой і дэзінфікуйце. У вялікім рондалі, злёгку памешваючы, на сярэднім агні нагрэйце малако да 25 °С (не перагрэйце!). Пакладзіце малочнакіслыя культуры на паверхню малака і дайце яму пастаяць каля 5 хвілін для аддзялення сыроваткі. Карыстаючыся шумоўкай, рухамі зверху ўніз акуратна перамесціце культуры на дно, не ўзбоўтваючы малако. Развядзіце сычужную закваску 1 сталовай лыжкай (15 мл) халоднай вады. Дадайце закваску ў малако, тымі ж рухамі зверху ўніз, перамесціце яе на дно і добра перамяшайце сумесь. Накрыйце ручніком і вытрымайце пры пакаёвай тэмпературы каля 24 гадзін. Зліце лішнюю сыроватку, злёгку нахіліўшы рондаль. Шумоўкай збярыце тварог і перакладзіце ў высланы марляй друшляк (ці ў марлевы мяшэчак, які трэба будзе падвесіць над кубкам для збору вадкасці). Пакіньце для аддзялення вадкасці на 6-7 гадзін, пакуль не атрымаеце сыр патрэбнай шчыльнасці. Майце на ўвазе, што сыр яшчэ ўшчыльніцца пры захоўванні яго ў халадзільніку. Перакладзіце сыр у кубак. Узважце яго, дадайце соль (1% ад масы сыра) і перамяшайце. Вытрымайце сыр у халадзільніку 2 тыдні для паспявання.