Тварог ўкладваем ў шырокі посуд і перасыпаем дробнай соллю з разліку 30-35 г на 1 кг масы. Змешваем і прапускаем 2-3 разы праз мясасечку. Для фармавання сыра ў палатняныя мяшэчкі канічнай формы шчыльна набіваем 500-800 г тварогавай масы. Мяшэчкі завязваем, ставім у глыбокую міску конусам угару, зверху прыціснуўшы грузам. Трымаем пад прэсам на працягу 5-10 гадзін. Уважліва сочым, каб сыр не перасушваўся. Такі сыр можна есць як свежым, так і вытрыманым. У апошнім выпадку мяшэчкі з сырам кладзем на дошку і абсушваем з усіх бакоў на скразняку да з'яўлення жаўтлявай скарыначкі, а затым ставім у халоднае месца (пограб) і трымаем на працягу дзвюх-чатырох тыдняў на паліцы, час ад часу паварочваючы. Пры з'яўленні цвілі сыр абмываем падсоленай вадой, абсушваем і зноў выносім у пограб.
|