-2 невялікіх яблыка,

-2,5 шклянкі пшанічнай мукі,

-2 шклянкі вады ці малака,

-5 г сухіх (ці 15 г свежых) дрожджаў,

-0,5 г. л. солі,

-4 ст. л. цукру,

-0,5 г. л. молатай карыцы,

-0,5 шклянкі алею.

Муку прасеяць. Ваду (ці малако) трохі падагрэць, у невялікай яе

частцы (прыкладна ў 1 шклянцы) развесці дрожджы. У эмаляваны

рондаль ці глыбокую міску насыпаць 1,5 шклянкі мукі, ўліць ваду

(малако) з разведзенымі ў ёй дрожджамі і старанна размяшаць,

каб не было камячкоў. Пасля гэтага дадаць астатнюю ваду (малако)

і перамяшаць да утварэння аднастайнай масы. Рондаль накрыць

ручніком і паставіць у цёплае месца, каб цеста падышло (прыкладна

на 1 гадзіну). Затым дадаць астатнюю муку, 2 ст. л. алею, 3 ст. л.

цукру, соль, перамяшаць і даць цесту другасна падняцца, для чаго

яго паставіць у цёплае месца яшчэ на 1 гадзіну. За гэты час

падрыхтаваць яблыкі: зрэзаць скурку, выразаць насенную камеру.

Вычышчаныя яблыкі нарэзаць кольцамі таўшчынёй 2-3 мм, перасыпаць

1 ст. л. цукру, змяшаным з карыцай, і пакінуць для насычэння. Пасля

таго, як цеста падышло другі раз, можна выпякаць аладкі. Рабіць гэта

наступным чынам: на разагрэтую і змазаную маслам патэльню выліць

трохі цеста (гэтулькі, каб расплытае на патэльні цеста па дыяметру

было трохі больш яблычнага "кальца"), на яго пакласці "кальцо" з

яблыка, зверху "кальцо" заліць невялікай порцыяй цеста, каб

яблычнае кальцо цалкам апынулася ў цесце. Пасля таго, як

адзін бок падсмажыцца, аладку перавярнуць на другі бок,

каб падрумяніўся другі бок.