-2 буйных баклажана (1 кг), нарэзаных папярок на кавалачкі таўшчынёй 1,5 см,

-соль,

-50 г прасеянай гарохавай мукі (пажадана з нута - турэцкага гарошку),

-3 ст. л. пшанічнай мукі вышэйшага гатунку, змяшанай са шчодрай дробкай пекарскага парашка (ці соды),

-2 ст. л. кукурузнай мукі,

-1 дробка молатага чырвонага перцу,

-1 дробка вострага (кайенскага) ці салодкага (папрыкі),

-чвэрць г. л. куркумы,

-3 ст. л. дробна насечанай свежай кінзы, базіліка ці пятрушкі,

-3 ст. л. вады,

-170 г сыра, пажадана "мацарэла", нарэзанага тонкімі лустачкамі,

-125 г свежай ці сухой хлебнай дробкі ці 115 г дробных манных круп,

-топленае масла ці алей для смажвання.

Раскладзіце кружочкі баклажанаў на падносе і багата пасыпце соллю.

Пакіньце на паўгадзіны, каб выдаліць лішак вільгаці. Змяшайце ў місцы

муку, пекарскі парашок (ці соду), кукурузную муку, кайенскі перац ці

папрыку, куркуму, свежую зеляніну і траціна г. л. солі з вадой і ўзбіце

да атрымання аднастайнага цеста. Па кансістэнцыі яно павінна быць

падобным на густы крэм. (Калі спатрэбіцца, дадайце яшчэ вады.)

Змыйце соль з баклажанавых кружочкаў і асушыце іх папяровымі

сурвэткамі. Каб кавалачкі баклажана былі аднолькавымі, абрэжце іх

круглай формачкай для печыва дыяметрам 5 см. Раскладзіце парамі

кружочкі аднолькавага памеру, а абразанні захавайце для іншай

стравы. Падрэжце кавалачкі сыра так, каб яны сталі ледзь менш

баклажанавых кружочкаў. Пакладзіце два тонкіх кавалачка сыра паміж

парай кружочкаў баклажана. Пагрузіце "сэндвіч" у гарохавае цеста,

лёгкім рухам страсіце лішак цеста, затым абкачайце ў хлебнай дробцы

ці манных крупах і адкладзіце ў бок на падрыхтаваную ваксаваную

паперу. Такім чынам падрыхтуйце ўсе баклажанавыя сэндвічы. Наліце

ў вялікую чыгунную патэльню гэтулькі топленага масла ці алею, каб яго

пласт склаў 1,5 см, і нагрэйце на ўмераным агні. Не даводзячы масла

да з'яўлення дыму, пакладзіце сэндвічы на патэльню і смажце 10-15

хвілін кожны бок, пакуль баклажаны не стануць мяккімі і прыемна

карычневымі. Старанна рэгулюйце агонь: калі тэмпература занадта

высокая, сыр можа прадрацца скрозь скарыначку абсмажанага цеста;

калі тэмпература занізкая, аладкі ўбяруць залішнюю колькасць масла.

Падавайце гарачымі, прама з патэльні.