для цеста:
- мука - 3.5 шклянкі
-соль - 1/2 г.л.
-вада - 1 шклянка
-бульба (вараная) – 900 г
-алей - 1/2 шклянкі
-рэпчатая цыбуля - 2 шт.
-імбір (свежы, здробнены) - 1 ст.л.
-часнык (здробнены) - 3 зубчыка
-каляндра (молатая) - 1.5 г.л.
-гарам масала непальская - 1.5 г.л.
-кумін (молаты) - 1 г.л.
-кайенскі перац - 1 г.л.
-соль - 1 г.л.
-турмерык (молаты) - 1/2 г.л.
-салера (дробна нарэзаная зеляніна) - 1/2 шклянкі
-зялёная цыбуля - 4-5 шт.
-чылі (свежы, зялёны) - 2 шт.
Прыгатаваць пюрэ з варанай бульбы.
У патэльні разагрэць масла, пакласці цыбулю
і абсмажваць, памешваючы, каля 5 хвілін.
Дадаць імбір, часнык, каляндру, гарам масалу, кумін,
кайенскі перац, соль і турмерык.
Рыхтаваць каля 30 секунд, змяшаць з бульбяным пюрэ.
Зняць патэльню з пліты, пасыпаць зелянінай салеры,
дробна нарэзанай зялёнай цыбуляй, вычышчаным ад насення
і нарэзаным тонкімі палоскамі перцам чылі. Размяшаць.
Даць начынню астыць. Пакуль начынне астывае, прыгатаваць цеста.
Для гэтага ў місцы змяшаць муку з соллю, зрабіць у цэнтры
паглыбленне і дадаць прыкладна 1 шклянку вады пакаёвай
тэмпературы.
Вымешваць да утварэння грубага неаднастайнага цеста.
Перакласці цеста на прыпудраную мукой дошку
і вымешваць 5-6 хвілін, пакуль яно не стане аднастайным, эластычным.
Перакласці цеста ў міску, накрыць кухонным ручніком і пакінуць на 30
ці больш хвілін пры пакаёвай тэмпературы.
Стол пасыпаць мукой і раскачаць цеста (таўшчынёй 3 мм).
Формай для печыва выразаць кружкі дыяметрам каля 8 см.
У цэнтр кожнага кружка пакласці па 1 сталовай лыжцы начыння,
краі намачыць вадой і злучыць, робячы маленькія зморшчынкі
(як на варэніках), імкнучыся ніжнюю частку мома рабіць плоскай.
Зверху па цэнтру будзе праходзіць палоска зморшчын.
Пакуль будзеце ляпіць мома, гатовыя асобнікі накрыйце ручніком.
Кантэйнеры параваркі вышмараваць маслам ці пакласці на дно лісты
зялёнай салаты, раскласці мома, пакідаючы паміж імі адлегласць 1-2 см.
Рыхтаваць на пару прыкладна 10 хвілін.
Гарачыя мома адразу ж раскласці па талерках і падаць да стала з чатні ці соусам.
|