Макароны-"ракавінкі" вялікага памеру выдатна фаршуюцца рознымі

начыннямі. Напрыклад, печаным гарбузом з часныком і мяккім свежым

сырам. Ракавінкі запякаюцца з пармезанам, базілікам і таматавым

соусам з белым віном.

-гарбуз ("грушападобны" арэхавы) - 1 кг

-алей аліўкавы

-часнык - 10 зубкоў (неабчышчаных)

-сыр "рыкота" (мяккі тварог ці сметанкавы сыр) - 2 шклянкі

-лісце базіліка, разарванае на дробныя кавалачкі - 1/3 шклянкі

-таматавы соус для пасты (гатовы) - 3 шклянкі

-віно белае, сухое - ½ шклянкі

-паста " канкільёне " (вялікія ракавінкі) - 56 шт. (ці 32 вельмі вялікіх)

-сыр "пармезан" цёрты - 1 шклянка

Разагрэйце духоўку да 200 градусаў.

Гарбуз нарэжце буйнымі долькамі.

Выкладзіце ў форму, апырскайце аліўкавым алеем,

пасаліце, паперчыце і запячыце ў духоўцы на працягу 30 хвілін.

Дадайце часнык і пакіньце ў духоўцы яшчэ на 15 хвілін.

Злёгку астудзіце гарбуз і часнык, ачысціце і разамніце ў пюрэ.

Перамяшайце з рыкотай і паловай базіліка.

Дадайце спецыі па густу. Змяшайце ў рондалі таматавы соус і віно.

Даведзіце да кіпення на сярэднім агні.

Паменшыце агонь і кіпеціце 10 хвілін, пакуль соус злёгку не згусне.

Тым часам, прыгатуйце ракавінкі ў падсоленай вадзе да стану

"аль дэнтэ" (макароны застаюцца ледзь цвердаватымі "на зубок").

Адкіньце на друшляк і старанна зліце.

Выкладзіце ракавінкі на ручнік, каб яны трохі падсохлі.

Напоўніце іх прыгатаваным сырна-гарбузовым начыннем.

Пакінутае начынне выкладзіце ў цеплатрывалы посуд,

зверху - фаршаваныя ракавінкі і заліце ўсё соусам.

Пасыпце пармезанам, пакінутым базілікам і запячыце ў духоўцы

на працягу 15-30 хвілін (у залежнасці ад памеру ракавінак).