для цеста:

- мука - 3.5 шклянкі

-соль - 1/2 г.л.

-вада - 1 шклянка

для начыння:

-алей - 2 ст.л.

-чырвоная цыбуля - 1 шт.

-грыбы (свежыя, можна шампіньёны) – 70 г

-тафу (шчыльны) - 2 шклянкі

-чырвоная бульба (вараная) - 2 шт.

-салодкі перац - 1 шт.

-перац чылі (зялёны, свежы) - 2 шт.

-часнык - 2 зубчыка

-імбір (свежы, здробнены) - 1.5 г.л.

-салера (дробна нарэзаная зеляніна) - 1/4 шклянкі

-соль - 1 г.л.

-кумін - 1/4 г.л.

-каляндра - 1/4 г.л.

Разагрэць у патэльні масла, дадаць дробна нарэзаную цыбулю

і абсмажваць яе 3-4 хвіліны, пакуль яна не стане мяккай.

Пакласці ў патэльню нарэзаныя кубікамі грыбы, тафу, вараную бульбу,

салодкі перац, чылі, здробненыя часнык і імбір.

Абсмажваць, часта памешваючы, пакуль не выпарыцца ўся вадкасць.

Заправіць начынне соллю, кумінам, каляндрай, дадаць салеру

і размяшаць.

Перакласці начынне ў міску і даць ёй астыць.

Прыгатаваць цеста:

ў місцы змяшаць муку з соллю, зрабіць у цэнтры паглыбленне

і дадаць прыкладна 1 шклянку вады пакаёвай тэмпературы.

Вымешваць да утварэння грубага неаднастайнага цеста.

Перакласці цеста на прыпудраную мукой дошку і вымешваць 5-6 хвілін,

пакуль яно не стане аднастайным, эластычным.

Перакласці цеста ў міску, накрыць кухонным ручніком і пакінуць на 30 ці больш хвілін пры пакаёвай тэмпературы.

Стол пасыпаць мукой і раскачаць цеста (таўшчынёй 3 мм).

Формай для печыва выразаць кружкі дыяметрам каля 8 см.

У цэнтр кожнага кружка пакласці па 1 сталовай лыжцы начыння,

краі намачыць вадой і злучыць, робячы маленькія зморшчынкі

(як на варэніках), імкнучыся ніжнюю частку мома рабіць плоскай.

Зверху па цэнтру будзе праходзіць палоска зморшчын.

Пакуль будзеце ляпіць мома, гатовыя асобнікі накрыйце ручніком.

Кантэйнеры параваркі вышмараваць маслам ці пакласці на дно лісты

зялёнай салаты, раскласці мома, пакідаючы паміж імі адлегласць 1-2 см.

Рыхтаваць на пару прыкладна 10 хвілін.

Гарачыя мома адразу ж раскласці па талерках

і падаць да стала з чатні ці соусам.