Вялікія ракавінкі вельмі зручна фаршаваць
- грыбамі, гароднінай, мясам, рыбай.
У гэтым рэцэпце начынне для канкільёне рыхтуецца з чырвонай рыбкі
і сыра (абавязковага інгрэдыента для італьянскай пасты)
з даданнем салеры і пятрушкі.
-канкільёне (вялікія ракавінкі) - 32 шт. (каля 200 г)
-ласось кансерваваны - 420 г
-свежы сыр рыкота - 2 шклянкі
-зеляніна пятрушкі здробненая - 1 ст. л.
-пёры шніт-цыбулі (цыбулі-рэзанца) здробненыя - 3 ст. л.
-сцеблы салеры, дробна нарэзаныя - 1½ шт.
-сыр чэддэр цёрты - ¾ шклянкі
-сліўкі нетлустыя - ¾ шклянкі
-сыр пармезан цёрты - 3 ст. л.
Разагрэйце духоўку да 175 градусаў.
Сварыце канкільёне -ракавінкі ў падсоленай вадзе "аль дэнтэ"
(да стану паўгатовасці).
Адкіньце на друшляк і перакладзіце зваротна ў рондаль.
Падзеліце ласося на дробныя кавалачкі.
Змяшайце рыбу, рыкоту, пятрушку, цыбулю-рэзанец, салеру і чэддэр.
Дадайце соль і перац па густу.
Выкладзіце ў кожную ракавінку па 2 г. л. начыння.
Выкладзіце фаршаваныя ракавінкі ў керамічную форму для запекання.
Заліце сліўкамі і пасыпце пармезанам.
Накрыйце фальгой і запякайце на працягу 20 хвілін.
Зніміце фальгу, запякайце яшчэ 15 хвілін да залацістага колеру.
|