- яйка - 4 шт.

- малако (нетлустае) - 200 мл

- мука – 125 г

- соль - 1 дробка

- вішня - 1 слоік

- цукровы пясок - 2 ст.л.

- карыца - 1 дробка

- духмяны перац (молаты) - 1 дробка

- крухмал - 2 г.л.

- лясныя арэхі (сечаныя) - 2 ст.л.

- топленае масла - 2 ст.л.

- цукровая пудра - 1 г.л.

Бялкі адлучыць ад жаўткоў. Жаўткі вымесіць з малаком, мукой і соллю.

Накрыць і пакінуць на 15 хвілін набракнуць. Вішню з сокам выкласці ў

рондаль, давесці да кіпення разам з цукрам, дробкай карыцы і перцам.

Крухмал развесці, дадаць ва ўзвар і 5 хвілін варыць пры слабым

кіпенні. Нагрэць духоўку да 100 градусаў. Бялкі ўзбіць у пышную пену

і разам з арэхамі дадаць у цеста. У патэльні з антыпрыгарным

пакрыццём порцыямі разаграваць топленае масла і спячы 12 невялікіх

аладак. Гатовыя аладкі перакласці ў вогнетрывалую ёмістасць і трохі

патрымаць у цёплай духоўцы. Аладкі пасыпаць цукровай пудрай і

падаць на стол з цёплым вішнёвым узварам. Каб аладкі ў цёплай

духоўцы не зліпліся, пракладайце кожны іх пласт пергаментнай паперай.