Спелыя, сакавітыя з ярка-чырвонай мякаццю кавуны старанна мыюць шчоткай і рэжуць на кавалачкі памерам 50-70 мм. Здробненыя кавуны прапускаюць праз шнэкавую сокавыціскалку (тыпу мясасечкі).
Атрыманую масу дадаткова здрабняюць міксерам і ў яе дадаюць цукар і цытрынавую кіслату. Награваюць да кіпення, кіпяцяць 5-6 хвілін і гарачай разліваюць , у слоікі ці бутэлькі і герметычна зашпунтоўваюць.
Часцей кавуновы сок выкарыстоўваюць для купажавання з іншымі сокамі (алычовым, журавінавым, чырвонапарэчкавым, яблычным). У кавуновы сок можна дадаваць пюрэ.
Тады ён будзе мець больш кашападобную кансістэнцыю, зручную для дзіцячага харчавання. У гэтым выпадку да 1 л працёртых кавуноў дадаюць 100 г (0,5 шклянкі) пюрэ алычовага, журавінавага, чырвонапарэчкавага ці яблычнага і 60 г цукру-пяску.
Калі змешваюць з яблычным сокам, то дадаюць яшчэ цытрынавую кіслату (на кончыку нажа). Калі яго рыхтуюць у якасці напоя, то замест пюрэ дадаюць неасветленыя сокі, атрыманыя метадам прасавання.
Атрыманую сумесь даводзяць да кіпення, вытрымліваюць 5-7 хвілін, разліваюць у слоікі ці бутэлькі і герметычна зачыняюць вечкамі ці коркамі.
Без пастэрызацыі атрыманы сок можна захоўваць у халадзільніку не больш за 2 сут. На 10 л соку расходуюць 17 кг кавуноў, 600 г цукру, 20 г цытрынавай кіслаты.
|