-24 г журавіны,
-24 г парэчкі чырвонай,
-24 г парэчкі чорнай,
- 24 г брусніцы,
-24 г цукру,
-10 г крухмалу
Ягады перабраць, добра прамыць халоднай пітной вадой. У залежнасці ад таго, якую колькасць кісяля падрыхтоўваюць, ягады трэба старанна расцерці ў ступцы драўляным песцікам, працерці на працірачнай машыне ці адціснуць на экстрактары.
Адціснуты сок зліць у посуд (лепш за ўсё ў парцалянавы) і паставіць на холад. Пакінутую пасля працірання ягад масу пакласці ў кацёл ці рондаль, заліць гарачай вадой і кіпяціць 4-6 хвілін, пасля чаго працадзіць праз марлю ці частае сіта.
У прыгатаваны адвар усыпаць цукровы пясок, ізноў нагрэць да кіпення, ссунуць кацёл на борт пліты і шумоўкай зняць пену. У асобны посуд усыпаць бульбяны крухмал, развесці яго халоднай кіпячонай вадой і працадзіць.
У гарачы ягадны сіроп уліць адразу ўвесь крухмал, добра размяшаць драўлянай лапаткай ці кандытарскім венічкам. Посуд з кісялём паставіць на агонь і пры інтэнсіўным памешванні хутка давесці да кіпення.
Пасля заварвання крухмалу ў кісель зараз жа ўліць адціснуты раней астуджаны сок. Гатовы кісель добра размяшаць і для астуджэння адразу ж разліць у парцыённы посуд (крэманкі, вазачкі ці шклянкі), пасыпаць цукрам.
Ягадны сок можна злучыць з кісялём і іншым спосабам: развесці сокам бульбяны крухмал, а затым увесці яго ў кіпячую вадкасць.
|