Ягады сартуюць, мыюць, здрабняюць у эмаляваным посудзе драўляным песцікам, дадаюць гарачую ваду (1 шклянка на 1 кг ягад), ставяць на слабы агонь і, бесперапынна памешваючы, награваюць да 60 °С.

Пасля гэтага посуд з жамерынамі здымаюць з агню, старанна накрываюць, вытрымліваюць 30 хвілін і жамерыны гарачымі праціраюць праз валасяное сіта.

У атрыманы сок з мякаццю дадаюць кіпячы цукровы сіроп 35-40%-вай канцэнтрацыі ў суадносінах 1:1, разліваюць у падрыхтаваныя чыстыя слоікі, накрываюць вечкамі, ставяць у нагрэтую да 50 °С ваду і пастэрызуюць пры тэмпературы 85-90 °С слоікі ёмістасцю 0,5 л 15 хвілін, 1л - 20 хвілін.

Пастэрызаваць можна і метадам гарачага разлівання. Для гэтага сок награваюць да 85-90 °С, неадкладна разліваюць у пастэрызаваныя слоікі і герметычна зачыняюць металічнымі вечкамі.

Ці ж ягады змяшчаюць у эмаляваны посуд, дадаюць ваду (1 шклянка на 1 кг ягад), ставяць на невялікі агонь, шчыльна зачыняюць вечкам і награваюць да поўнага размякчэння ягад.

Затым ягады гарачымі праціраюць праз сіта, змешваюць з сіропам і кансервуюць, як і ў першым выпадку.

Для выраба 1 л сіропу неабходна 3 2/3 шклянкі вады і 400-350 г цукру. На 10 л нектару расходуюць 8,3 кг свежай парэчкі і 2- 2,5 кг цукру.