Маслёнка (збіванне, сколбціна) - нетлустая частка слівак, якая атрымліваецца пры вытворчасці масла, бывае салодкая і кіслая (у залежнасці ад віду атрымоўванага масла).

І тая, і другая маслёнка прыдатныя ці для непасрэднага ўжывання, ці ў якасці сыравіны для вытворчасці іншых малочных прадуктаў, што істотна павялічвае рэнтабельнасць вытворчасці масла.

Выйсце маслёнкі залежыць ад тлустасці зыходных слівак і ўтрымання вільгаці ў масле. У параўнанні з абястлушчаным малаком (адгонам) маслёнка з'яўляецца непараўнальна біялагічна больш каштоўным харчовым прадуктам.

Маслёнку ўжываюць непасрэдна ў ежу замест малака ці ў сумесі з малаком, а таксама рыхтуюць з яе разнастайныя напоі з даданнем цукру, гарбаты, кавы, какавы, слівак і інш.

Смакавыя паказчыкі напояў з маслёнкі значна палепшацца, калі тлустасць яе давесці да 1 %, дадаць цукар, пастэрызуюць пры тэмпературы 65 С. Пры залішне высокай тлустасці маслёнкі (больш 1 % тлушчу) яе разводзяць абястлушчаным малаком.

Маслёнку, атрыманую пры вытворчасці кісласлівачнага масла, астудзіўшы, ужываюць без перапрацоўкі ці для падрыхтоўкі кісламалочных напояў з даданнем цукру, фруктовых сокаў, сіропаў, ванілі і іншых араматычных рэчываў.

З маслёнкі ад кісласлівачнага масла рыхтуюць кактэйлі, дадаючы цукар, марозіва, яблычны, малінавы ці іншы сок і газуючы (газаваць кактэйль вуклекіслатой можна ў звычайным сіфоне, папярэдне астудзіўшы сумесь да 4 С.

Па густу дадаюць цукар, фруктовыя ці агароднінныя сокі, ванілін. Занадта густы налой разводзяць свежай маслёнкай, абястлушчаным малаком ці газаванай вадой.

Для паляпшэння густу і атрымання густой кансістэнцыі салодкую маслёнку пастэрызуюць пры 90 С.

З маслёнкі ад салодкаслівачнага масла ў "чыстым выглядзе", а таксама ў сумесі з абястлушчаным малаком выходзяць смачны тварог, тварогавыя сыркі, сыры.

Для гэтага маслёнку ці лепш сумесь салодкай маслёнкі з абястлушчаным малаком у суадносінах 1:1 пастэрызуюць пры тэмпературы 65 С.

Уносяць у маслёнку кісламалочную закваску (кіслае малако ці сыроватку завадскога выраба) у колькасці 1:1 .

Пры гэтым маслёнку награваюць да 50 С, паступова дадаючы кіслату і павольна змешваючы да з'яўлення першых прыкмет вылучэння сыроваткі светла-зялёнага колеру.

З тварагу, змешваючы яго з цукрам, соллю, сліўкамі, фруктовымі сіропамі, арэхамі, ваніллю і іншымі смакавымі і араматычнымі рэчывамі, атрымоўваюць тварогавыя пасты і сыркі, а таксама іншыя бялковыя прадукты.

Звычайна на сыр ідзе сумесь "салодкай" маслёнкі з абястлушчаным малаком