На адзін слоік ёмістасцю 3 л неабходна:
-свежых агуркоў - 1,4 кг,
-расола - 1300 мл,
-дробнай сталовай солі - 75 г,
-кропу – 50 г,
-лісцяў хрэна – 20 г,
-зялёнага салодкага рэзанага перцу – 30 г,
-лісцяў мяты – 6 г,
-долек часныку - 14 г,
-лісця вішні, вінаграда, чорнай парэчкі - па 6-8 шт.,
-струкавага горкага перцу - 3 г,
-лаўровага ліста - 2 шт.
Для кансервавання адбіраюць свежыя зялёныя, толькі што сабраныя агуркі невялікіх памераў і аднолькавай падоўжанай формы. Адабраныя агуркі мыюць халоднай вадой і замочваюць у ёй на 4-6 гадзін.
Пасля замочвання яшчэ раз мыюць праточнай вадой. На дно слоіка ўкладваюць 1/3 спецый, а затым да паловы слоіка агуркі.
Пасля гэтага дадаюць частку зеляніны і спецый, ізноў агуркі, а зверху астатнюю колькасць зеляніны і спецый. Напоўненыя слоікі заліваюць прафільтраваным кіпячым 5-6%-ным растворам солі (50-60 г солі на 1 л вады).
Заліваць слоікі кіпячым расолам варта асцярожна, невялікімі порцыямі, каб выгрэць дно і сценкі слоіка. Пры заліванні слоікі ўсталёўваюць на сухую дошку ці на паперу.
Напоўненыя даверху слоікі накрываюць пракіпячонымі лакаванымі вечкамі, герметычна зашпунтоўваюць, астуджаюць і захоўваюць у прахалодным месцы (камора, склеп, пограб).
|