На трохлітровы слоік:

- 1,4 кг агуркоў,

-50 г кропу,

-20 г лісцяў хрэна,

-30 г рэзанага салодкага зялёнага перцу,

-6 г лісцяў мяты,

-14 г часныку,

-па 6-8 лісцяў вішні, вінаграда, чорнай парэчкі,

-кавалачак горкага струкавага перцу,

-2 лаўровых ліста;

Расол:

- 1 л вады,

-50-60 г солі.

Свежыя, толькі сабраныя агуркі невялікага памеру і аднолькавай падоўжанай формы прамыць, замачыць у халоднай вадзе на 4-6 гадзін і яшчэ раз прамыць.

На дно слоіка паскладаць 1/3 частку паказаных у рэцэптуры спецый, да паловы напоўніць агуркамі, дадаць яшчэ частку спецый, ізноў паскладаць агуркі, а зверху - пакінутую зеляніну і спецыі.

Напоўненыя слоікі заліць прафільтраваным кіпячым расолам, накрыць пракіпячонымі вечкамі, герметычна закаркаваць, астудзіць. Захоўваць у прахалодным месцы.