На 800-грамовы слоік:

- рэзаныя агуркі,

~150 г вады,

~100 г шчаўя,

-1 ст. лыжка без верха солі,

-1 г. лыжка цукру

1-ы варыянт - з цэлымі агуркамі

(Вады і шчаўя выкарыстоўваецца больш, чым паказана ў выпадку з рэзанымі агуркамі.) Падрыхтаваны слоік запоўніць агуркамі. Заліць халоднай вадой, затым ваду зліць і замераць аб'ём.

У рондальчык наліць палову аб'ёму вады і пакласці шчаўе вагай 2/3 ад налітай вады. Кіпяціць 2 хвіліны. Шчаўе разам з вадкасцю пракруціць у блендэры ці прапусціць праз мясасечку.

Выліць атрыманую масу зваротна ў рондаль і пакласці соль і цукар. Агуркі заліць кіпенем і даць пастаяць 2~3 хвіліны.

Шчаўевую масу давесці да кіпення. Ваду з агуркоў зліць і адразу ж заліць кіпячую масу. Слоікі закатаць і загарнуць у коўдру да поўнага астывання.

2-і варыянт - з рэзанымі агуркамі

Перарослыя вялікія агуркі ачысціць ад скуркі. Парэзаць уздоўж на 4 часці. Калі насенне вельмі цвёрдае - выразаць. Парэзаць невялікімі кавалачкамі. Агуркі скласці ў падрыхтаваныя слоікі.

Падрыхтаваць шчаўевае заліванне апісаным вышэй спосабам. Заліць агуркі кіпячай масай, прычыніць вечкам і паставіць стэрылізавацца на 15 хвілін.

(Для стэрылізацыі на дно рондаля пакласці анучку, паставіць слоік з агуркамі, наліць кіпень так, каб ён даходзіў да плечак слоіка, рондаль накрыць вечкам і кіпяціць патрэбны час.) Слоікі закатаць і загарнуць у коўдру да поўнага астывання.