-агуркі свежыя

-лісце парэчкі, вішні, хрэна, эстрагону

-зялёныя парасонікі кропу (пажадана) ці спелы кроп (сцеблы і суквецці)

-часнык (маладыя стрэлкі, зубчыкі і сакавітае лісце)

-соль

-вада

Мыем сабраныя агуркі. Солім ў вядры ці баку ці што ёсць. На дно кладзем пласт зеляніны (буйна сечанай і ўсіх відаў). Ўкладваем агуркі. Зверху зноў пласт зеляніны.

Чым больш зеляніны, тым смачней будуць агуркі. Зверху накрываем паверхню буйным лісцем хрэна. Заліваем халодным расолам (Некіпячоная вада і соль з разліку: 1 шклянка солі на 5 літраў вады).

Накрываем кружком і кладзём гнёт (камень). Солім на працягу 7-8 дзён. Прыкладна праз тыдзень адчыняем бак, здымаем цвіль (калі ўтварылася), выкідваем зеляніну, выбіраем агуркі, раскладваем іх у слоікі, дадаем ў слоікі 9% воцат з разліку: 1 сталовая лыжка на кожны літр.

Расол працэджваем, кіпяцім, заліваем агуркі і закочваем. Ахінаем і астуджваем.