На 5 кг масы:
-баклажаны смажаныя - 3 кг,
-таматы смажаныя 1,5 кг,
-алей - 320 г,
-часнык - 30 г.
Маладыя свежыя баклажаны з недаразвітым насеннем мыюць, выдаляюць пладаножкі з некаторай часткай плоду, здымаюць скурку вострым нержавеючым нажом. Наразаюць на кружкі таўшчынёй да 2 см.
На некалькі хвілін кладуць пад прэс, затым абвальваюць у муце з соллю і абсмажваюць на алеі ці топленым масле.
Сярэдніх памераў спелыя са шчыльнай мякаццю таматы мыюць, выдаляюць пладаножкі і разразаюць на 4-6 частак, дадаюць соль, перац, расцёрты часнык, злёгку падсмажваюць.
Баклажаны і таматы кладуць папластава ў слоікі (0,5 л) накрываюць вечкамі і стэрылізуюць пры 100 гр C 30 хвілін. Астатняе - як звычайна.
|