-5 кг баклажан,
-1/4 качана капусты,
-2-3 шт.морквы,
-5-7 сцеблаў салеры,
-5 шт. балгарскага перцу,
-1 галоўка часныку,
-1/2 шклянкі солі,
-2-3 сцябла кропу.
Для расола:
-вада - 10 л;
-соль - 900 г.
Для квашэння лепш браць познія гатункі баклажанаў. Плады мыюць у цёплай вадзе, вызваляюць ад пладаножак, бланшуюць 5 хвілін і астуджаюць. Астуджаныя баклажаны разразаюць уздоўж, але не цалкам, а так каб у асновы яны былі цэлымі.
Моркву, капусту, кроп, салеру і перац балгарскі чысцяць, мыюць, наразаюць у выглядзе тонкай локшыны, дадаюць тоўчаны часнык, перасыпаюць соллю і добранька змешваюць. Затым баклажаны фаршуюць гатовай гародніннай сумессю.
Фаршаваныя баклажаны перавязваюць галінкамі салеры (ці ніткай) і роўнымі шэрагамі ўкладваюць у старанна прамытую і апараную кіпенем бочку, дно якой папярэдне высцілаюць лісцем капусты.
Затым баклажаны накрываюць лісцем капусты, палатном (ці любой чыстай сурвэткай) і заліваюць расолам (3 шклянкі солі на 10 л вады). Пакідаюць на суткі для закісання. Пасля гэтага даліваюць пакінуты расол (расол лепш заўсёды пакідаць пра запас) і апускаюць баклажаны ў склеп для канчатковага закісання (на месяц).
|