-1кг баклажанаў,
-100 г зеляні (пятрушка, кінза),
-25 г часныку,
-30 г воцату 6%-вага, -
15 г солі.
Спелыя маладыя баклажаны старанна мыюць, выдаляюць пладаножку з чашалісцікамі і прылеглай часткай плоду, робяць бакавы надрэз. Зеляніну сартуюць, выдаляюць млявае, жоўклае лісце, мыюць і рэжуць на кавалачкі даўжынёй 1-2 см.
Бланшуюць баклажаны ў 2-3%-вым растворы солі (30 г солі на 1 л вады) 20-25 хвілін, у залежнасці ад іх велічыні (пры гэтым яны не павінны губляць пругкасць). Пасля бланшавання іх астуджаюць халоднай вадой.
З мэтай максімальнага выдалення рэштак бланшыровачнай вады баклажаны пасля астуджэння адціскаюць уручную ці пад прэсам.
Праз 10-15 хвілін, як толькі сцячэ вада, баклажаны начыняюць зелянінай, змяшанай з соллю і дробнарубленым часныком (начыняюць баклажаны так, каб не разарваць надрэзу і не пашкодзіць плады).
Затым шчыльна ўкладваюць у слоікі, заліваюць 6%-вым воцатам, стэрылізуюць пры тэмпературы 100°С: паў-літровыя слоікі - 15 хвілін, літровыя - 25 хвілін, трохлітровыя - 35 хвілін і закочваюць. Выкарыстоўваюць як халодную закуску.
|