-1 кг баклажанаў,

-300 г морквы,

-50 г кораня пятрушкі,

-25 г кораня пастарнака,

-50 г цыбулі,

-2-4 зубчыка часныку,

-10 г зеляні пятрушкі,

-25 г зеляні салеры,

-20-25 г солі,

-100-120 мл алею.

Баклажаны вымыць, абрэзаць пладаножкі і чашалісцікі, зрабіць падоўжны надрэз, адступіўшы ад канцоў на 2-3 см. Адварыць 30-40 хвілін у салёнай вадзе (30 г солі на 1 л вады), затым выняць і пакласці пад гнёт.

Прыгатаваць фарш.

Карняплоды морквы, пятрушкі і пастарнака ачысціць і нарэзаць саломкай даўжынёй 1 см. Цыбулю ачысціць, нарэзаць кольцамі і абсмажыць у алеі да залацістага колеру.

Падрыхтаваныя карняплоды абсмажыць у алеі да паўгатовасці, змяшаць з абсмажанай цыбуляй, дадаць дробна нарэзаную зеляніну і соль. Халодным фаршам начыніць баклажаны і абвязаць ніткай.

Шчыльна паскладаць у слоікі і перасыпаць дробна нарэзаным часныком. На 3-4 дні паставіць у цёплае месца для ферментацыі.

Алей давесці да кіпення, астудзіць і заліць ім баклажаны ў слоіках пластом 1-2 см. Закаркаваць і захоўваць у халодным месцы.