-10 кг баклажанаў

- 0,5 л 9-адсоткавага воцату,

-200 г часныку,

-200 г горкага струкавага перцу (але не сухога),

-0,5 кг салодкага перцу,

-0,5 л алею,

-каля шклянкі буйнай солі,

-духмяны перац гарошкам,

-10 лаўровых лістоў,

-пучок пятрушкі.

Баклажаны адварыць у салёнай вадзе (на гэта сыдзе палова патрабаванай солі), пакуль не стануць мяккімі. Разрэзаць іх уздоўж і паскладаць пад прэс. Праз 5 гадзін дастаць, разрэзаць яшчэ на чатыры часткі і абсмажыць у алеі абапал.

Абсмажаныя баклажаны скласці ў вялікі рондаль і даць ім астыць. За гэты час прыгатаваць соус: салодкі і горкі перац разам з часныком прапусціць праз мясасечку, дадаць астатнюю соль, воцат, спецыі, рэшткі алею.

Баклажаны паскладаць пластамі ў слоікі, трохі паліваючы кожны соусам, заліць ім жа зверху і стэрылізаваць 15-20 хвілін. Слоікі лепш выкарыстоўваць невялікія - паў-літровыя і літровыя.