Заліванне для слабакіслага марынаду:

- 500-600 г солі,

-500-600 г цукру,

-150-175 мл воцатнай эсэнцыі,

-вады да 10 л;

заліванне для кіслага марынаду:

- 500-600 г солі,

-600-900 г цукру,

-250 мл воцатнай эсэнцыі,

-вады да 10 л;

заліванне для вострага марынаду:

- 600 г солі,

-900-1000 г цукру,

- 470-530 мл воцатнай эсэнцыі,

-вады да 10 л;

рэзкія затаўкі:

- 5 г карыцы,

-5 г гваздзічкі,

-3 г духмянага перцу,

-5 г лаўровага ліста (для кожнага віду залівання).

Бурак ачысціць ад бацвіньня, абрэзаць верхнюю частку галоўкі і пасартаваць па памеру, пасля гэтага прамыць, апусціць у кіпячую ваду і варыць 20-45 хвілін, у залежнасці ад памеру бурака.

Буйныя карняплоды перад бланшоўкай разрэзаць напалову. Затым бурак астудзіць у вадзе ці на паветры, ачысціць ад скуркі і разрэзаць на часткі рознай формы, паскладаць у падрыхтаваную тару і заліць прыгатаваным марынадам. Дробныя карняплоды можна марынаваць цэлымі.

Стэрылізаваць у кіпячай вадзе паў-літровыя слоікі 7-8 хвілін, літровыя - 10-12 хвілін. Вострыя марынады рыхтуюць у драўлянай тары. Захоўваць бурак у халодным месцы.