Для кансерваваньня бярэцца малады сталовы бурак без бацвіньня, круглай формы, з цёмна-чырвонай мякацьцю. Непрыдатны бурак млявы, з механічнымі пашкоджаннямі ці пашкоджаны шкоднікамі і хваробамі.

Бурак старанна чысцяць ад зеляніны і пяску і мыюць. Затым яго бланшуюць у кіпячай вадзе 15-20 хвілін і, адлучыўшы скурку, нажом разразаюць на кубікі, пласцінкі ці лустачкі.

Бурак памерам меней 30 мм можна кансерваваць у цэлым выглядзе (пасля бланшоўкі і абіркі). Бланшыраваны цэлы, а таксама нарэзаны бурак, у пазбяганьне пацямненьня, варта хутчэй паскладаць у падрыхтаваныя слоікі і заліць двухадсодкавым кіпячым расолам (на 1 л вады 20 г солі).

Суадносіны закладкі: буракі 60 адсоткаў, расола 40 адсоткаў. Залітыя слоікі накрываюць вечкамі і стэрылізуюць: слоікі ёмістасцю 0,5 л - 40 хвілін і ёмістасцю 1,0 л - 45 хвілін.

Пасля стэрылізацыі слоікі неадкладна закатваюць і правяраюць якасць упакоўкі. Астуджэнне - паветранае. Бурак натуральны выкарыстоўваецца для падрыхтоўкі баршчоў і вінегрэтаў.