-1 кг карнішонаў

- 30-40 г зеляні кропу,

-ліст хрэна,

-галінка эстрагону,

-5 гарошын чорнага перцу,

-дробка чырвонага молатага перцу,

-1 галоўка часныку.

Для марынаду:

-1 л вады

- 0,5 шклянкі 7%-нага воцату,

-15 г солі,

-30 г цукру.

Дробныя агуркі даўжынёй ад 3 да 5 см завуцца карнішонамі. У 1 кг іх можа быць ад 35 да 100 штук. Выкарыстоўваюць іх у марынаваным выглядзе.

Зялёныя агурочкі перацерці чыстым ручніком, паскладаць у эмаляваны посуд, перасыпаць соллю з дадаткам соды, каб карнішоны не страцілі свайго зялёнага колеру, і вытрымаць на працягу двух дзён.

Пасля таго як іх вынялі з солі, абцерці чыстай тканінай, паскладаць (пажадана) вертыкальна ў шкляныя слоікі, на дно якіх змясціць рэзкія затаўкі: свежы кроп, нарэзаны невялікімі кавалачкамі даўжынёй 3-4 см, эстрагон, ліст хрэна (пакласці на дно слоіка), часнык, чорны перац, дробку чырвонага молатага перцу.

Рэзкая зеляніна павінна быць свежай, добра прамытай. Слоікі запоўніць гарачым марынадам да верха і пастэрызаваць у гарачай вадзе пры 85° С, Паў-літровыя слоікі пастэрызаваць на працягу 10-12 хвілін, літровыя- 15-20 хвілін.

Закаркаваць. Перавярнуць дагары дном і пакінуць да астуджэння. Захоўваць у прахалодным месцы.