На 10 слоікаў ёмістасцю 1 л :
-3,7 кг свежай морквы,
-2 л расола 2%-вай канцэнтрацыі (20 г солі на 1 л вады).
Для кансервавання адбіраюць далікатную, маладую памяранцава-чырвонага колеру моркву з невялікім асяродкам жоўтага колеру даўжынёй да 10 см.
Адабраную моркву замочваюць на 10...15 хвілін у халоднай вадзе, старанна мыюць і апрацоўваюць: бланшуюць у гарачай (90 °С) вадзе на працягу 3...5 хвілін, чысцяць ад скуркі, ізноў мыюць, потым шчыльна ўкладваюць моркву ў чыстыя сухія слоікі.
Адначасова рыхтуюць расол. У эмаляваны рондаль наліваюць неабходную колькасць вады, дадаюць соль, кіпяцяць сумесь 10...15 хвілін, фільтруюць праз 3...4 пласты марлі, ізноў даводзяць да кіпення і гарачым расолам (тэмпература не ніжэй 80...90 °С) заліваюць напоўненыя морквай слоікі, якія накрываюць пракіпячонымі вечкамі і ўсталёўваюць у рондаль з вадой, нагрэтай да 70...75°С, для стэрылізацыі.
Час стэрылізацыі пры 100 °С для слоікаў ёмістасцю 0,5 л 40 хвілін, 1 л - 50 хвілін.
Па канчатку апрацоўкі слоікі герметычна закатываюць, перагортваюць уніз горлачкам і астуджаюць.
|