-агуркі свежыя - 4 кг

-цукровы пясок - 1 шкл.

-алей - 1 шкл.

-воцат сталовы - 1 шкл.

-1/3 ст. солі

-па 1 вялікаму пучку пятрушкі і кропу

-4 сярэднія цыбуліны

Агуркі нарэзаць кольцамі, цыбулю паўколамі, зеляніну дробна пасекчы. Усё змяшаць, дадаць цукар, соль, воцат і алей. Пакінуць на дзве гадзіны, каб агуркі далі сок.

Пасля гэтага салату ўжо можна ўжываць у ежу, але калі вы жадаеце зрабіць нарыхтоўкі на зіму, то падрыхтуйце слоікі: памыць і прастэрылізаваць іх.

На дадзеную колькасць агуркоў запатрабуецца прыкладна 4 шт. па 700-800 мл. Раскласці закуску па слоіках і паставіць стэрылізаваць, пасля закіпання пратрымаць на агні 5 хвілін.

Слоікі закруціць, перавярнуць і паставіць на ноч у цёплую коўдру.