-1 вядро баравікоў
-1,5 шклянкі солі.
Маладыя баравікі апусціць у кіпень; потым 1-2 разы ўскіпяць, адкінуць іх на рэшата і пераліваць халоднай вадой, пакуль не астынуць; тады даць ім абсохнуць на тых жа самых рэшатах, перагортваючы іх на ўсе бакі.
Потым скласці ў слоікі капялюшыкамі ўгару і, перасыпаючы кожны шэраг соллю, накрыць сухім кружком, пакласці наверх камень.
Праз некалькі дзён, калі слоік будзе няпоўны, дадаць свежых грыбоў, заліць растопленым і ледзь цёплым валовым тлушчам ці маслам, а лепш за ўсё абвязаць пузыром і трымаць у халодным сухім месцы.
Перад ужываннем намачыць іх на 1 гадзіну ў халоднай вадзе, а калі даўно пасоленыя, то мачыць можна і цэлыя суткі, потым перамыць іх у некалькіх водах.
Так прыгатаваныя грыбы густам амаль не будуць адрознівацца ад свежых, а асабліва, калі будуць звараны ў булёне з парашком з баравікоў.
|