-1 кг адвараных грыбоў,

-3-4 лаўровых ліста,

-3-5 гарошын чорнага перцу,

-5 гарошын духмянага перцу,

-3-5 шт. гваздзічкі,

-2 г цытрынавай кіслаты,

-1,5 ст.л. солі,

-1 г.л. цукру,

-2-3 ст.л. воцату 9%,

-карыца на кончыку нажа,

-1 цыбуліна,

-1 морква.

Грыбы павінны быць вычышчаныя, прамытыя і адвараныя ў вялікай колькасці вады на працягу 30 хвілін. Адвараныя грыбы выкладзіце ў друшляк і старанна прамыйце ў праточнай вадзе.

Ачысціце цыбулю і моркву і нарэжце іх кольцамі ці паўколамі, на працягу 5 хвілін адварыце іх у 1 літры кіпячай вады. Дадайце лаўровы ліст, перац, гваздзічку, цытрынавую кіслату, соль, цукар, воцат і карыцу.

У атрыманы марынад выкладзіце адвараныя грыбы і даліце вады так, каб яна на 2-3 см перавышала ўзровень грыбоў. Давядзіце марынад да кіпення і варыце 10 хвілін.

Затым паспрабуйце марынад на густ, калі чагосьці бракуе, то дадайце.

Раскладзіце грыбы разам з марынадам у загадзя падрыхтаваныя стэрылізаваныя слоікі. Імкніцеся даліваць марынад так, каб ён ліўся праз край слоіка, затым шчыльна закруціце вечкі, перавярніце слоікі і ахініце іх коўдрай да поўнага астывання.

Захоўвайце ў прахалодным месцы.