1 варыянт.

- 1 кг айвы,

-1,1-1,2 кг цукру,

-1 л адвара,

-2 г цытрынавай кіслаты на 1 л сіропу.

Прамыць, ачысціць айву ад лупіны. Разрэзаць на долькі таўшчынёй 2 см і бланшаваць у кіпені 15-20 хвілін да размякчэння, пасля чаго адразу ж апусціць у халодную ваду.

У бланшыровачнай вадзе адварыць знятую лупіну, асяродак і на адвары прыгатаваць цукровы сіроп.

Падрыхтаваныя долькі айвы заліць гарачым сіропам на 3-4 гадзіны, а затым варыць варэнне ў 4 прыёма, па 5-7 хвілін, з перапынкамі па 6-8 гадзін.

У канцы варкі дадаць цытрынавую кіслату.

2 варыянт.

- 1 кг вычышчанай айвы,

-1,2 -1,3 кг цукру,

-дзве траціны шклянкі вады.

Парэзаную на долькі айву бланшаваць у кіпені, пакуль долькі не стануць ліпкімі (1 кг долек на 2-3 л вады).

Затым адкінуць на сіта і даць вадзе сцячы. На адвары прыгатаваць цукровы сіроп, пакласці ў яго бланшаваныя долькі айвы, даць закіпець некалькі разоў, перыядычна падтрасаючы таз і здымаючы плеўку.

Калі айва стане мяккай, перакласці яе на талерку, даць астыць, затым паскладаць у слоікі і заліць сіропам.

Прыгатаваная такім чынам айва мае ружовы колер, а сіроп цёмна-жоўты.

3 варыянт.

Падрыхтоўваем сіроп з 1 кг цукру і 2 шклянак вады. Бяром 2 буйныя айвы, выціраем чыстай анучкай, стругаем нажом і кідаем у кіпячы сіроп.

Стругаць трэба вельмі хутка, каб не пацямнела габлюшка айвы. Размешваем з сіропам і пакідаем варыцца на моцным агні.

Гатовасць пазнаём пры дапамозе кроплі: калі кропля сіропу, апушчаная на кавалачак цукру, не расплываецца, то варэнне гатова.

За 3 хвіліны перад здыманнем з агню дадаем палову гарбатнай лыжачкі тоўчанай цытрынавай кіслаты, растворанай у лыжцы гарачай вады.

4 варыянт.

Ставім на агонь таз з 2 кг цукру і 4 шклянкамі вады. Кіпяцім, пакуль сіроп не дасягне сярэдняй гушчыні.

За гэты час ачысціць 1 кг айвы, загарнуць, каб не счарнела, у сурвэтку, змочаную ў салёнай вадзе.

Як толькі сіроп будзе гатовы, нарэзаць айву лустачкамі, апусціць у таз і варыць да патрэбнай гушчыні.