Айву мыюць, даюць вадзе сцячы і нажом з нержавелай сталі рэжуць на невялікія кавалачкі, выдаляючы пры гэтым пашкоджаныя месцы.

Нарэзаную айву кладуць у эмаляваны рондаль, заліваюць вадой (2 шклянкі на I кг пладоў) і вараць на працягу 20-30 хвілін на слабым агні.

Гарачы сок фільтруюць праз фланэль і ўварваюць на адну траціну першаснага аб'ёму, здымаючы шумоўкай пену і прымясі.

У атрыманы сок у некалькі прыёмаў дадаюць цукар (400 г на 1 л соку) і, увесь час памешваючы, падаграваюць сок да кіпення, а потым вараць, у канцы варкі кладуць цытрынавую кіслату (3-5 г на 1 л соку).

Спробу здымаюць лыжкай. Калі разлітае на талерцы жэле хутка гусцее, варку сканчаюць. У адваротным выпадку яго вараць да атрымання масы патрэбнай гушчыні.

Гарачае жэле расфасоўваюць у сухія летнія слоікі, накрываюць вечкамі, няшчыльна закаркоўваюць, ставяць у рондаль з летняй да 70 градусаў вадой і пастэрызуюць пры тэмпературы вады ў рондалі 90 градусаў: 0,5 л слоікі - 10, а літровыя - 15 хвілін.

Падчас стэрылізацыі рондаль накрываюць вечкам, а ўзровень вады ў ёй - на 3 см ніжэй ад верха горлачка слоіка.

Пасля стэрылізацыі тару закаркоўваюць цалкам, правяраюць герметычнасць закаркавання і ставяць для паветранага астуджэння, не перагортваючы слоікі