- квас - 1 л
- бульба – 300 г
- салёныя грыбы (белыя, грузды ці рыжыкі) – 75 г
- зялёная цыбуля – 120 г
- кроп – 30 г
- агуркі – 150 г
- яблыкі – 100 г
- яйка - 1 шт.
- смятана – 90 г
- цукар - па густу
-гарчыца - па густу
- соль - па густу.
Бульбу адварыць, астудзіць, ачысціць, нарэзаць дробнымі кубікамі і скласці ў рондаль. Яблыкі ачысціць ад скуркі і асяродку, свежыя агуркі - ад скуркі, салёныя грыбы прамыць.
Усё нарэзаць кубікамі і далучыць да бульбы, туды ж дадаць нашаткаваную зялёную цыбулю і кроп. Адваранае ўкрутую яйка астудзіць і ачысціць. Бялок пасячы і таксама пакласці да бульбы.
Усё заліць квасам і перамяшаць. Жаўток яйка расцерці, дадаць да яго гарчыцу, цукар, соль, развесці невялікай колькасцю квасу і ўвесці ў акрошку. Туды ж ўліць смятану, разведзеную квасам, і ўсё размяшаць.
Акрошку астудзіць, канчаткова заправіць па густу соллю, гарчыцай, цукрам і падаць да стала.
|