- квас - 1.5 л

- ялавічына – 400 г

- зялёная цыбуля – 150 г

- агурок – 300 г

- смятана – 200 г

- яйка - 2.5 шт.

- цукар – 25 г

- гарчыца – 10 г

- зеляніна – 25 г

- соль.

Астуджанае варанае мяса і вычышчаныя ад скуркі свежыя агуркі нарэзаць дробнымі кубікамі ці кароткай саломкай (1 1/2-2 см).

Зялёную цыбулю тонка нашаткаваць і расціраць з невялікай колькасцю солі датуль, пакуль не з'явіцца сок.

Яйкі сварыць укрутую, насекчы ці дробна нашаткаваць. У смятану пакласці яйкі, зялёную цыбулю, гарчыцу, цукар, соль (па густу), добра перамяшаць і развесці квасам.

У атрыманую сумесь дадаць астатнія падрыхтаваныя прадукты і зноў размяшаць. Пры падачы халаднік пасыпаць кропам.

Калі халаднік падрыхтоўваюць у вялікай колькасці, то трэба злучыць усе падрыхтаваныя прадукты са смятанай, дадаць трохі квасу і захоўваць на лёдзе.

Пры падачы ў талерку пакласці порцыю прадуктаў са смятанай, наліць квас і пасыпаць кропам.