- хлебны квас - 1 л

- мясныя прадукты – 250 г

- агуркі - 2 шт.

- зялёная цыбуля – 75 г

- яйка - 2 шт.

- смятана - 1/2 шклянкі

- цукар - 1 г.л.

- соль - па густу.

Вараную ялавічыну, вяндліну, язык, а таксама вычышчаныя свежыя агуркі нарэзаць маленькімі кубікамі; дробна нарэзаць зялёную цыбулю і ў талерцы расцерці лыжкай, дадаўшы трохі солі; цыбуля ад гэтага стане мяккай.

Бялкі звараных укрутую яйкаў насекчы, а жаўткі расцерці ў рондалі, дадаўшы да іх смятану, трохі гарчыцы, цукар, старанна перамяшаць і развесці квасам.

Пасля гэтага ў рондаль пакласці падрыхтаваныя прадукты. Пры падачы да стала халаднік пасыпаць дробна нарэзаным кропам.