- квас – 350 г

- агурочная трава (лісце) – 20 г

- сталовая гарчыца – 4 г

- крэс-салата – 8 г

- зялёная цыбуля – 20 г

- кроп – 8 г

- бульба (адвараная) – 30 г

- яйка - 1/2 шт.

- смятана – 20 г

- адваранае мяса (каўбасы) – 26 г

- соль.

Адвараную бульбу, адваранае мяса (каўбасу) наразаюць дробнымі кубікамі. Зялёную цыбулю, лісце крэс-салаты, кропу шаткуюць.

Нашаткаванае лісце маладой агурочнай травы расціраюць драўляным песцікам (лыжкай) з невялікай колькасцю солі да з'яўлення соку.

Бялкі яйкаў, звараных укрутую, дробна наразаюць, а жаўткі расціраюць з часткай смятаны, сталовай гарчыцай, соллю і разводзяць квасам.

У прыгатаваную сумесь дадаюць расцёртую з соллю агурочную траву, нарэзаныя прадукты і ўсё змешваюць. Пры падачы да стала кладуць смятану.