- квас хлебны – 500 г

- цяляціна – 50 г

- рабчык ці курапатка - 1 шт.

- цыбуля зялёная - 30 г

- агуркі – 60 г

- смятана – 40 г

- яйка - 1 шт.

- цукар – 5 г

- гарчыца – 2 г

- зеляніна - па густу.

Цяляціну і рабчыка ці курапатку папярэдне падсмажыць ці сварыць. Астуджанае варанае мяса і вычышчаныя ад скуркі свежыя агуркі нарэзаць дробнымі кубікамі ці кароткай саломкай (1 1/2-2 см).

Зялёную цыбулю тонка нашаткаваць і расціраць з невялікай колькасцю солі датуль, пакуль не з'явіцца сок.

Яйкі сварыць укрутую, насекчы ці дробна нашаткаваць. У смятану пакласці яйкі, зялёную цыбулю, гарчыцу, цукар, соль (па густу), добра перамяшаць і развесці квасам.

У атрыманую сумесь дадаць астатнія падрыхтаваныя прадукты і зноў размяшаць.