-палоўка курыцы

-4 сярэдніх бульбачкі

-1 цыбуліна

-3/4 шклянкі аўсянкі

-соль,

- перац,

-лаўровы ліст.

Сварыць курыны булён. Варыць яго трэба з лаўровым лістом і сумессю перцаў гарошкам, пасаліць. Курыцу выцягнуць з булёна, астудзіць і адлучыць ад костак. Хто жадае супчык патлусцей, пакіньце скуру.

Парэзаную кубікамі бульбу кладзём ў працэджаны булён і варым амаль да гатовасці, туды ж дабаўляем цыбулю кубікамі.

Пакуль варыцца бульбачка, на мясасечцы пракруціць мяса курыцы, а пасля яе ў гэтай мясасечцы прапусціць 3/4 шклянкі аўсянкі-геркулеса.

Засыпайце ледзь-ледзь, не больш сталовай лыжкі за раз, вельмі цяжка ідзе. Усё пракручанае складваем ў рондаль, старанна змешваем, каб аўсянка не згарнулася ў камячкі (я для гэтага выкарыстоўваю венца для ўзбівання) і варым яшчэ хвілін 10-15.

Па жаданні трошкі дасаліць і паперчыць. Аб'ём аўсянкі і курынага мяса рэгулюйце на свой густ, часам атрымліваецца густа.