-косткі з мясам,

-бурак,

-бульба,

-капуста свежая,

- цыбуля,

-морква,

-мука (важна!),

-воцат (важна!),

-таматавая паста (падліўка),

-сланечнікавы алей,

-часнык,

-перац,

-спецыі.

Боршч аднолькава смачны і пажыўны як на мясным булёне, так і на звычайнай вадзе. У першым выпадку адварваем костачкі з мясам паўтара гадзіны, не забываем здымаць перыядычна пену з паверхні. Далей, у булён або ў звычайную закіпеўшую ваду кідаем бульбачку, нарэзаную на сярэднія кавалачкі, праз хвілін 10 солім.

Яшчэ праз 10 хвілін кідаем нарэзаную дробнай саломкай свежую капусту. Пакуль уся гэтая гаспадарка варыцца, рыхтуем смажанку: чырвоны бурак і моркву тром на буйнай тарцы (а не рэжам саломкай, як звычайна паказваецца!), высыпаем на патэльню з летнім сланечнікавым алеем, трохі тушым, затым дадаем туды добрай якасці густую таматавую падліўку (не кетчуп) і ўліваем туды трохі воцату (1 сталовую лыжку на 8 літраў баршчу), змешваем і тушым яшчэ 5 хвілін.

Запраўляем гэтай масай боршч. Далей дробна рэжам пару цыбулін, смажым іх на сланечнікавым алеі да залацістай скарыначкі, затым дадаем туды дзве сталовыя лыжкі мукі, пасеруем, калі занадта густа, можна ўліць у патэльню пару лыжак булёну з баршчу, 1 хвіліну патушыць і ўліць у рондаль. Дадаць, калі неабходна, яшчэ солі, перцу (чорны гарошкам, чорны молаты, чырвоны, пару лаўровых лісцікаў - па густу ўсё).

Пад канец накрышыць у боршч часнык і нарэзанае дробнымі кубікамі сала без мяса. Пагатаваць яшчэ хвілін 10, выключыць, накрыць вечкам і даць настаяцца не меней 4 гадзін (лепш за ўсё даць баршчу пераначаваць у халадзільніку, а ўжываць ужо днём або ўвечар).

К баршчу можна падаць пампушкі, але калі няма, то добра падыходзіць падсмажаны на сланечнікавым алеі чорны хлеб, нацёрты часныком. Запраўляць боршч смятанай або маянэзам па густу. Вельмі пажыўна і смачна