- малады бурак з бацвіннем - 300 г,

-пятрушка ці салера (корань) - 50 г,

-морква - 50 г,

-цыбуля рэпчатая - 30 г,

-алей - 30 г,

-кефір - 300 г,

-кроп ці пятрушка (зеляніна) - 20 г,

-вада - 300 г.

Бурачнае бацвінне прамыць, лісце нарэзаць саломкай, а бурачныя хвосцікі дробнымі кубікамі. Моркву і бурак ачысціць і нарэзаць дробнымі кубікамі, корань пятрушкі ці салеры нарэзаць саломкай.

Падрыхтаваную гародніну (акрамя лісця бурачнага бацвіння) патушыць з невялікай колькасцю вады і алеем да мяккасці, затым дадаць нарэзанае лісце бурачнага бацвіння і працягваць тушэнне яшчэ на працягу 5-7 хвілін.

Пасля гэтага дадаць соль, астудзіць і заліць сумессю кіслага малака і кіпячонай вады. Падаць у халодным выглядзе з сечанай зелянінай.