-300 г зеляні адной травы ці па 100 г розных: сніткі, крапівы, макрыцы,

-500 г квашанай капусты,

-1,5 л вады,

-1 морква,

-1 корань пятрушкі (свежы ці сушоны),

-1-2 цыбуліны,

-3-4 ст. лыжкі алею,

-1 ст. лыжка мукі,

-1 ст. лыжка таматавай пасты (можна і без яе),

-4 долькі часныку,

-зеляніна кропу,

-пятрушка (зялёная ці сушоная).

Капусту дробна пасекчы. Траву дробна нарэзаць. Моркву і корань пятрушкі, калі ён свежы, а таксама цыбулю парэзаць і злёгку абсмажыць у алеі, бесперапынна памешваючы.

Затым дадаць таматавую пасту і яшчэ трохі патрымаць на агні. Капусту скласці ў рондаль, дадаць алею, тушыць каля гадзіны, дадаць абсмажаныя карэнні і працягваць тушыць 30 хвілін.

Муку выгрэць на патэльні, развесці невялікай колькасцю вады, дадаць у капусту, туды ж апусціць траву. Заправіць таўчоным часныком і зелянінай пятрушкі і кропу.