-качка - чвэрць тушкі

-салера - 1 хвосцік

-морква - 1 шт.

-бульба - 3 шт.

-рэпчатая цыбуля - 1 шт.

-цыбуля -парэя - 1 шт. (белая частка)

-капуста - чвэрць качана

-квас - 2 шклянкі ці дробка цытрынавай кіслаты

-малако - 100 мл

-жаўток - 1 шт.

-соль,

-молаты чорны перац - па густу

-лаўровы ліст - 2 шт.

-дробна нарэзаная зеляніна кропу ці пятрушкі

Качку можна ўзяць замарожаную. Заліць яе халоднай вадой, давясці да кіпення, варыць хвілін 45. Затым дадаць нарэзаную кубікамі бульбу, моркву і салеру. Затым нарэзаную паўколамі рэпчатую цыбулю і цыбулю -парэю. Нарэзаць квадрацікамі капусту, туды ж яе. Пасаліць, паперчыць. Пакласці лаўровы ліст. Варыць да гатовасці бульбы і капусты. За пяць хвілін да канчатку варкі пакласці дробку цытрынавай кіслаты (можна ўліць кіслы квас). Затым трэба размяшаць жаўток у халодным малацэ і ўліць у суп. Даць трошкі пагатавацца. Падаць, пасыпаўшы зелянінай кропу.