-гарбуз- 800 г

-бульба (буйная) - 2 шт

-булён (можна курыны, гароднінны, вада) - 800 мл

-арэхі грэцкія- 1 прыгаршня

-арэхі кедравыя- 1 прыгаршня

-маяран(лісточкі з 2-х галінак)

-чабор(лісточкі з адной галінкі)

-размарын- 0,5 г. л.

-соль - па густу

-перац белы - па густу

-алей аліўкавы - 2 ст. л.

Вычышчаны ад асяродку і лупіны гарбуз, вычышчаную бульбу наразаю буйнымі кавалкамі і выкладваю на бляху, прысольваю, апырскваю аліўкавым алеем і адпраўляю, у нагрэтую да 200 градусаў духоўку на 30 хвілін, ці пакуль гародніна не стане мяккай.

Падчас запекання, змешваю гародніну пару разоў. Як толькі гародніна стане мяккай, дастаю бляху і даю гародніне трохі астыць.

Яна так духмяна і апетытна пахне, што ўзнікае думка "з'есці так, справу да супу не даводзіць".

Затым, перакладаю запечаныя гарбуз і бульбу ў чару блендэра, і развёўшы булёнам (300-350 мл, у мяне курыны) здрабняю да пюрэпадобнага стану.

Пераліваю пюрэ ў рондаль, дадаткова разводжу булёнам да жаданай гушчыні, дадаю лісточкі чабора, маярану, сухі размарын, соль і перац.

Памешваючы, давожу да кіпення і вару каля 5 хвілін. Арэхі абсмажваю на сухой распаленай патэльні 2-3 хвіліны (грэцкія, вядома, перад гэтым трэба трохі пасекчы, але без фанатызму).

Суп разліваю па талерках, багата пасыпаю арэшкамі. Смачны, духмяны і карысны супчык гатовы.