-цыбуля

-морква

-кальрабі

-салера (корань, лісце і сцябло)

-памідоры

-соевы соус

-цукар

-цытрынавы сок

-молаты чорны перац

-аўсяныя шматкі

Пасеруем гародніну на маленькім кубіку сметанкавага масла з даданнем лыжкі аліўкавага алею. У гэтым працэсе бяруць удзел: дробна пасечаная цыбуліна і нацёртыя на буйнай тарцы 2 морквы, 1 кальрабі і палоўка буйнага кораня салеры.

Да пасераванай гародніны дадаем дробна парэзанае лісце і сцеблы салеры (2-3 галінкі) і нацёртыя вельмі спелыя памідоры (6-7 шт.). Усё гэта заліваем гарачым булёнам (ці ж вадой), даводзім да кіпення і варым каля 15 хвілін.

Затым запраўляем натуральным соевым соусам, 1 ст. л. цукру, цытрынавым сокам і чорным свежазмеленым перцам.

Акрамя таго, дадаем 5 ст. л. суцэльных аўсяных шматкоў, якія згусцяць супчык і нададуць яму шаўкавістасці. Яшчэ 10 хвілін павольнага кіпення пад ледзь прыадчыненым вечкам, і суп гатовы!