-баравікі (сушоныя) – 25 г

-сметанкавае масла – 50 г

-шампіньёны – 110 г

-морква (парэзаная дробна) - 2 шт.

-салера (палачкі дробна парэзаныя) - 2 шт.

-цыбуля рэпчатая (дробна парэзаная) - 1 шт.

-цыбуля-парэя (дробна парэзаная) - 1 шт.

-лаўровы ліст - 2 шт.

-чабор (свежы) - 1 г.л.

-шафран (парэзаны) - 1/2 г.л.

-часнык (раздушаны) - 2 зубчыка

-соль - па густу

для завяршэння:

-шампіньёны – 225 г

-грэцкія арэхі (молатыя) – 110 г

-сметанкавае масла – 25 г

-сліўкі - 75 мл

-сухі херас - 75 мл

-цытрынавы сок - 1 дэс.л.

-соль - па густу

-чорны перац (молаты) - па густу.

Спачатку пакласці сушоныя грыбы ў гарлач з 275 мл кіпеню і замачыць на 30 хвілін. Тым часам у вялікім рондалі растапіць 50 г сметанкавага масла, дадаць усю падрыхтаваную гародніну, траву і часнык, памешваць на павольным агні, пакуль усё не будзе пакрыта маслам, затым уліць сушоныя грыбы з вадой і 2 л гарачай вады.

Дадаць трохі солі і давесці да кіпення, падтрымліваючы невялікі агонь. Пакінуць павольна кіпець на 1 гадзіну. Пасля гэтага пакласці друшляк над вялікай міскай і пераліць праз яго суп.

Выдаліць лаўровыя лісты, узбіць гародніну ў пюрэ, дадаўшы трохі булёна ў кухонны камбайн ці блендэр. Затым вярнуць гэта ўсё ў булён і ўзбіць венцам да аднастайнасці.

Працерці супавы рондаль папяровым ручніком і паставіць на агонь з 25 г масла. Абсмажыць парэзаныя грыбы на працягу 5 хвілін. Пасля гэтага ўліць суп, дадаць молатыя грэцкія арэхі, заправіць соллю і перцам і даць пагатавацца 10 хвілін на павольным агні.

Тым часам вельмі вострым нажом нарэзаць цэлыя грыбы на найтонкія кавалачкі для ўпрыгожвання. Калі пара падаваць суп, дадаць сліўкі, херас і цытрынавы сок, і падаваць гарачым, пасыпаўшы зверху сырымі грыбамі.