-ялавічына - 200 г

-цяляціна - 200 г

-курыца - 200 г

-вяндліна - 200 г

-булачка - 100 г

-смятана - 0.5 шклянкі

-яйка (жаўток) - 2 шт.

-корань морквы - 1 шт.

-корань пятрушкі - 1 шт.

-корань салеры - 2 шт.

-масла сметанкавае - 100 г

- цыбуля рэпчатая - 1 галоўка

-булён - 2 л

-зеляніна - па густу

-соль - па густу

-перац - па густу

Ялавічыну і цяляціну адлучаюць ад костак, якія здрабняюць, заліваюць халоднай вадой і вараць разам з падрыхтаванай курыцай. Звараную курыцу вымаюць з булёна, адлучаюць мяса ад костак, якія працягваюць варыць разам з іншымі косткамі 2-3 гадзіны, пасля чаго булён працэджваюць. Зваранае курынае мяса злучаюць з цяляцінай і ялавічынай, вяндлінай, вычышчанымі і нарэзанымі морквай, пятрушкай, салерай і ўсё разам два разы прапускаюць праз мясасечку з частай рашоткай. Атрыманую масу падсмажваюць на сметанкавым масле, дадаюць размочаную ў булёне булку, добра змешваюць, ізноў прапускаюць праз мясасечку, дадаюць працэджаны булён, соляць, кладуць духмяны і горкі перац, вараць некалькі хвілін і запраўляюць смятанай, змяшанай з сырымі жаўткамі і сметанкавым маслам. Пры падачы на стол юшку ў талерцы пасыпаюць дробна нарэзанай зелянінай пятрушкі.