Гліняны посуд на 4 - 6 л напаўняюць да 1/4 аб'ёму пшанічным вотруб'ем, змяшаным са жменяй кукурузнай мукі, злёгку змочваюць халоднай вадой, затым заліваюць крутым кіпенем, каб посуд напоўніўся на 3/4, добра размешваюць і дадаюць 1,5 - 2 шклянкі закіслага вотруб'я ад ранейшага квасу. Калі яго няма, то змочваюць вотруб'е не халоднай вадой, а простым квасам, калі ж няма квасу, можна ўзяць маладую галінку вішні, буйна насекчы яе, перамяшаць з вотруб'ем. Накрываюць ручніком і ставяць на суткі ў цёплае месца. Перад ужываннем працэджваюць. Квас можна даліваць на чвэрць ці палову аб'ёму, які адліваецца.