-200 г свежай сёмгі,

-200 г свежага судака,

-200 г свежай (ці салёнай) асятрыны,

-100 г аліў,

-2 сталовыя лыжкі тамата-пюрэ,

-3-4 белых марынаваных грыба,

- 2-3 салёных агурка,

-1 цыбуліна,

-2 сталовыя лыжкі сметанкавага масла,

-1 сталовая лыжка мукі,

-1 шклянка агурочнага расола,

-1 сталовая лыжка каперсаў,

-чорны перац,

-лаўровы ліст,

-соль па густу,

-1,5-2 л мяснога ці рыбнага булёна.

Дробна парубленую цыбулю пакласці ў рондаль і абсмажыць на масле. Усыпаць у гэты ж рондаль муку, уліць булён і агурочны расол, добранька перамяшаць і давесці да кіпення. Затым дадаць нашаткаваныя грыбы, каперсы, алівы, лаўровы ліст і перац і зноў давесці да кіпення. Пакласці ў рондаль апараныя кавалкі падрыхтаванай рыбы, прыпушчаныя з таматам-пюрэ агуркі і варыць да гатовасці рыбы на слабым агні. Салянка павінна мець светлы, злёгку чырванаваты булён, востры густ, пах рыбы і рэзкіх затавак. У талеркі раскладваюць па кавалку кожнага віду рыбы, заліваюць іх супам, дадаюць кружок цытрыны, зеляніну, масліны. Да салянкі добра падаць расцягаі з рыбай.