- хлебны квас - 1 л

- вараная ялавічына, нішчымная свініна ці бараніна, вяндліна, каўбаса - 100 г

- агуркі - 100-150 г

- бульба (вараная) - 2-3 шт.

- зялёная цыбуля (сечаная) - 3-4 ст. л.

- яйка (укрутую) - 1 шт.

- смятана - 2-3 ст. л.

- гарчыца - 1 г. л.

- цукар - па густу 

соль - па густу

- кроп (сечаны) - па густу.

Агуркі і вараную бульбу нарэзаць саломкай ці кубікамі. Зялёную цыбулю пасыпаць соллю і размінаць драўлянай лыжкай датуль, пакуль не вылучыцца сок. Яечны бялок пасячы.

Яечны жаўток расцерці на дне міскі з гарчыцай, пасаліць, дадаць смятану і квас, добра размяшаць.

Затым пакласці падрыхтаваную гародніну, сечаны бялок, нарэзанае кавалачкамі мяса. Дадаць соль, цукар і сечаны кроп. Паставіць на холад на 15-20 хвілін.